🚩 संघाची १०० वर्षांची ध्येयवादी गाथा! ‘शतक’ चित्रपट आजपासून मोठ्या पडद्यावर; अकलूजमध्ये खास शो! 🚩
अकलूज प्रतिनिधी:स्वराज्यहेर
राष्ट्रीय स्वयंसेवक संघाच्या शताब्दी पूर्तीनिमित्त निर्माण करण्यात आलेला ‘शतक’ हा चित्रपट आज संपूर्ण महाराष्ट्रात प्रदर्शित झाला आहे.१९२५ मध्ये डॉ.हेडगेवारांनी लावलेल्या रोपट्याचा आज जो वटवृक्ष झाला आहे, तो १०० वर्षांचा संघर्ष आणि समर्पणाचा प्रवास या चित्रपटात पहायला मिळणार आहे.
राष्ट्रीय स्वयंसेवक संघाच्या स्थापनेपासूनचा (१९२५-२०२५) देदीप्यमान प्रवास मांडणारा ‘शतक’ हा बहुप्रतीक्षित मराठी चित्रपट आहे.संघाची विचारधारा, समाजकार्य आणि राष्ट्रनिर्मितीतील योगदान या चित्रपटातून अत्यंत प्रभावीपणे मांडले आहे.विशेष म्हणजे, या चित्रपटाला बॉलिवूड सुपरस्टार अजय देवगण यांचा भारदस्त आवाज लाभला आहे.
चित्रपटात संघाचे सामाजिक कार्य, आपत्ती व्यवस्थापनातील भूमिका आणि विचारधारा यांचे सुंदर चित्रीकरण करण्यात आले आहे. अकलूज येथील ‘श्रीराम चित्रमंदिर’ येथे या चित्रपटाचे विशेष प्रदर्शन होत असून, संध्याकाळी ६:१५ च्या शोसाठी प्रेक्षकांनी मोठ्या संख्येने उपस्थित राहावे, असे आवाहन अकलूजच्या राष्ट्रीय स्वयंवसेवक संघाकडून करण्यात आले आहे.
