कृषी उत्पन्न बाजार समिती,अकलूज येथे मका उत्पादकांसाठी निर्णय हमीभाव खरेदी नोंदणीला सुरुवात.
माळशिरस प्रतिनिधी -रणजीतदादा गायकवाड.
माळशिरस तालुक्यातील सर्व शेतकऱ्यांच्या सोयीसाठी आमदार रणजितसिंह मोहिते पाटील व बाजार समितीचे सभापती मदनसिंह मोहिते पाटील यांनी शासनाकडे वेळोवेळी पाठपुरवठा केल्यामुळे मोठी खरीप हंगाम 2025-26 मधील आधारभूत किंमत मका खरेदी योजनेच्या कृषी उत्पन्न बाजार समिती अकलूज व दुय्यम बाजारपेठ नातेपुते येथे ऑनलाइन नाव नोंदणी चालू झाली असून शेतकऱ्यांनी याचा लाभ घ्यावा असे आवाहन करण्यात आले आहे.
शासनाच्या निर्देशांमुळे शेतकऱ्यांना नाव नोंदणी करून मका आणावी लागणार आहे.
नाव नोंदणीसाठी मका पिकाची नोंद असलेला सातबारा उतारा,बँक पासबुक,आधार कार्ड यांच्या जाहिराती कागदपत्रे आवश्यक आहेत.
या वर्षी मक्याची आधारभूत किंमत 2400 रुपये निश्चित करण्यात आलेली आहे.शेतकऱ्यांनी मका वाळवून स्वच्छ करून आणावी व हमीभाव केंद्राचा लाभ घ्यावा.असे आव्हान बाजार समितीचे सभापती मदनसिंह मोहिते पाटील व सचिव राजेंद्र काकडे यांनी केले आहे.
