गमाळशिरस प्रतिनिधी रणजितदादा गायकवाड.
बागेचिवाडी ग्रामपंचायत च्या हद्दीतील अकलुज माळशिरस रोड ते बोडकेवस्ती या कॅनल पट्टी रस्त्याचे काम लवकरात लवकर सुरू करावे या मागणीसाठी बागेचिवाडी गावातील नागरिक आंदोलनाच्या तयारीत आहेत.सदर रस्ता ठेकेदार व सा.बा विभाग अकलुज चे अधिकारी यांनी जुन-जुलै या पावसाळी महिन्यात अतिशय बेजबाबदार पणे रस्ता उखडून त्यावर मातिमिश्रीत मुरूम आणून टाकला आहे. त्यावर सध्या ठिकठिकाणी खड्डे पडले आहेत.तसेच रस्त्यावर असणार्या रहदारी मुळे उडणार्या धुळीमुळे आजूबाजूला राहणार्या ग्रामस्थांना मोठ्या प्रमाणावर त्रास होत आहे.
बाजूलाच असणारे हॉस्पिटल मधील रुग्णांना सुद्धा याचा त्रास होत आहे. या रस्त्यावर मातीमिश्रीत मुरूम टाकला असल्याने एखादे वहान गेल्यावर मोठ्या प्रमाणावर धुळ उडत आहे. त्यामुळे लहान मुलांना तसेच अबालवृद्धांना श्वसनाचे विकार होण्याची शक्यता बळावली आहे.त्यामुळे बागेचीवाडी ग्रामपंचायत चे सरपंच उपसरपंच सदस्य व गावातील नागरिक यांनी येत्या पंधरा दिवसात सदर रस्त्याच्या कामाला सुरवात केली नाही तर रस्ता रोको तसेच सार्वजनिक बांधकाम विभाग अकलुज च्या कार्यालयावर मोठ्या प्रमाणात धरणे अंदोलन करण्याचा इशारा दिला आहे.
संबंधित विभागाचे अधिकारी व ठेकेदार यांनी नोंद घेऊन येत्या पंधरा दिवसात सदर रस्त्याच्या कामाला सुरवात करावी व नागरिकांना होणार्या त्रासातून सोडवावे अन्यथा होणार्या परिणामाला तेच जबाबदार असतील आसही बागेचीवाडी गावचे सरपंच कृष्णराज भैय्या माने पाटील यांनी यावेळी बोलताना सांगितले.
