माने-पाटील परिवाराचा ‘खेळ पैठणीचा, सन्मान स्त्रीशक्तीचा’ महिला महोत्सव उत्साहात
अकलूज | प्रतिनिधी : माने-पाटील परिवाराच्या वतीने आयोजित ‘खेळ पैठणीचा, सन्मान स्त्रीशक्तीचा’ नागपंचमी महिला महोत्सव १९ ऑगस्ट रोजी कृष्णानंद विद्यामंदिर, पाटील वस्ती, बागेचीवाडी येथे उत्साहात पार पडला.
कार्यक्रमाची सुरुवात महाराष्ट्र गीताने झाली. तब्बल २,५०० महिला उपस्थित राहिल्या, तर सुमारे ५०० महिला व मुलींनी विविध खेळांमध्ये सहभाग घेत कार्यक्रमाचा मनमुराद आनंद लुटला.
कार्यक्रमाचे निवेदन सुप्रसिद्ध निवेदिका मा. प्रतिभा पाटील यांनी केले. महिलांच्या मनोरंजनासोबतच त्यांच्या सन्मानासाठी विविध उपक्रम राबविण्यात आले.
आकर्षक बक्षिसांचे मानकरी
- – प्रथम बक्षीस – सोन्याची नथ व पैठणी: हर्षदा अरविंद गायकवाड
- – द्वितीय बक्षीस – स्मार्ट टीव्ही: माधुरी शेटे
- – तृतीय बक्षीस – फ्रिज: अमृता खरात
- – चौथे, पाचवे व सहावे बक्षीस – मिक्सर
- – सातवे व आठवे बक्षीस – इस्त्री
कार्यक्रमाचे उद्घाटन श्रीमती विजयादेवी हंबीरराव माने-पाटील, सौ. रेवती सतीशराव जगताप आणि सौ. मंगलादेवी फत्तेसिंह माने-पाटील यांच्या हस्ते करण्यात आले.
यावेळी निलिमादेवी हिंदुराव माने-पाटील, मृदुलादेवी शशिकांत माने-पाटील, रागिणीदेवी रामराव माने-पाटील, ज्योतीदेवी गणपतराव माने-पाटील, स्वप्नजा शिवराज माने-पाटील, ज्योत्स्ना योगीराज माने-पाटील, राजलक्ष्मी हंसराज माने-पाटील, राजयोगिनी अभिमन्यू माने-पाटील, राजवर्धनी श्रीराज माने-पाटील, वृषाली सुजयसिंह माने-पाटील, अंकुश्री अजिंक्य माने-पाटील, नक्षत्रा गिरिराज माने-पाटील यांच्यासह जयश्री सतीश पालकर, दिपाली देशमुख, केतकी सौरभ इंगळे, प्रतीक्षा गणेश माने, पूजा सागर पालकर तसेच बागेचीवाडीतील महिला मोठ्या संख्येने उपस्थित होत्या.
राजेश्वरी कृष्णराज माने-पाटील व बागेचीवाडीतील सर्व महिला भगिनी यांच्या वतीने कार्यक्रमाचे आयोजन करण्यात आले. विरविजय माने-पाटील मित्र परिवार, माळशिरस तालुका तसेच कृष्णराज भैय्या माने-पाटील मित्र परिवार यांचे कार्यक्रमाला सौजन्य लाभले.
महिलांचा उत्स्फूर्त सहभाग, जल्लोष आणि मिळालेला भरभरून प्रतिसाद यामुळे ‘खेळ पैठणीचा, सन्मान स्त्रीशक्तीचा’ हा महिला महोत्सव दिमाखात आणि यशस्वीरीत्या पार पडला.
