🚨 अकलूज पोलिसांची धडाकेबाज कामगिरी 🚨
ठिबक पाईप चोरी करणारा सराईत आरोपी जेरबंद !
💥 २ लाख ४४ हजारांचा मुद्देमाल हस्तगत
अकलूज प्रतिनिधी: गणेश इंगळे
माळशिरस तालुक्यातील शेतकऱ्यांच्या शेतातील ठिबक सिंचनाचे पाईप चोरी करणाऱ्या सराईत चोरट्यास अटक करण्यात अकलूज पोलिसांना मोठे यश आले आहे.
चौंडेश्वरवाडी येथील फिर्यादी महादेव मारुती एकतपुरे यांच्या शेतातील सुमारे ₹५५ हजार किंमतीचे ठिबक पाईप तीन चाकी वाहनातून चोरी करून नेत असताना आरोपी विकास नाना उर्फ रामभाऊ चोरमले (वय २३, रा. ६१ फाटा, ता. माळशिरस) यास पोलिसांनी रंगेहाथ पकडले.
तपासादरम्यान आरोपीने एप्रिल २०२६ मध्ये चौंडेश्वरवाडी परिसरातील विविध शेतकऱ्यांच्या शेतातून अशाच प्रकारे ठिबक पाईप चोरी केल्याची कबुली दिली. या गुन्ह्यांचा उलगडा करत पोलिसांनी तब्बल ₹२ लाख ४४ हजारांचा मुद्देमाल जप्त केला आहे.
यामध्ये –
✅ चोरीस गेलेले ठिबक पाईप
✅ चोरीसाठी वापरलेले तीन चाकी वाहन
✅ दुचाकी वाहन
✅ औषध फवारणीसाठी वापरला जाणारा एसटीपी संच
असा मुद्देमाल हस्तगत करण्यात आला आहे.
या कारवाईमुळे शेतकऱ्यांमध्ये समाधानाचे वातावरण निर्माण झाले असून अकलूज पोलिसांच्या तत्परतेचे सर्वत्र कौतुक होत आहे. ही धडाकेबाज कारवाई पोलीस अधीक्षक अतुल कुलकर्णी, अपर पोलीस अधीक्षक प्रेरणा गायकवाड, उपविभागीय पोलीस अधिकारी संतोष वालके व पोलीस निरीक्षक नीरज उबाळे यांच्या मार्गदर्शनाखाली पोलीस उपनिरीक्षक विशाल कदम व त्यांच्या पथकाने केली
