सरसेनापती हंबीरराव मोहितेंचा शौर्यशाली वारसा आता हिंदू धर्माच्या रक्षणासाठी सज्ज; डॉ. धवलसिंह मोहितेंनी थोपटले धर्मरक्षणाचे दंड!
अकलूज प्रतिनिधी-गणेश इंगळे
छत्रपती श्री शिवाजी महाराजांनी शून्यातून हिंदवी स्वराज्य उभं केलं आणि या स्वराज्याच्या रक्षणासाठी अनेक शूरवीर घराण्यांनी आपल्या रक्ताचे पाणी केले. या तेजस्वी परंपरेतील अग्रगण्य नाव म्हणजे स्वराज्याचे ‘सरसेनापती हंबीरराव मोहिते’. ज्या मोहिते घराण्याने आपल्या तलवारीच्या जोरावर इस्लामिक आक्रमकांना धूळ चारली, त्याच घराण्याचा वारसा आज पुन्हा एकदा हिंदू धर्माच्या रक्षणासाठी ढाल बनून उभा ठाकला आहे.
सरसेनापती हंबीरराव मोहितेंचे वंशज ‘सरदार डॉ. धवलसिंह मोहिते’ यांनी सध्याच्या परिस्थितीत हिंदू समाजापुढील आव्हाने स्वीकारत धर्मकार्यासाठी मैदानात उतरण्याचा निर्णय घेतला आहे. गड-किल्ल्यांवरील वाढती अतिक्रमणे आणि माता-भगिनींवर होणारे अत्याचार यांसारख्या इस्लामिक समस्यांविरुद्ध आवाज उठवण्यासाठी मोहिते घराण्यासारख्या खंबीर नेतृत्वाची आज देशाला गरज असल्याचे मत सकल हिंदू समाजाकडून व्यक्त होत आहे.
डॉ.धवलसिंह मोहिते हे केवळ इतिहासाचा वारसाच जपत नाहीत, तर महाराष्ट्र राज्य कुस्तीगीर परिषदेचे कार्यकारिणी सदस्य आणि सोलापूर जिल्हा कुस्तीगीर संघाचे अध्यक्ष म्हणून कुस्तीसारखी मर्दानी परंपरा देखील जोपासत आहेत.
एक सरदार आज मैदानात उतरले आहेत, आणि भविष्यात असेच अनेक सरदार हिंदू धर्माच्या रक्षणासाठी एकत्र येतील, हा विश्वास आज दृढ होत आहे.
जेव्हा इतिहासातील पराक्रमी घराण्यांचे वारसदार हिंदुत्वाच्या पाठीशी खंबीरपणे उभे राहतात, तेव्हा अधर्माचा नाश होण्यास वेळ लागत नाही,” अशा भावना यावेळी हिंदू बांधवांनी व्यक्त केल्या. छत्रपती शिवरायांपासून सुरू झालेली ही शौर्याची आणि धर्मरक्षणाची धगधगती परंपरा डॉ. धवलसिंह मोहिते यांच्या रूपाने पुढे सुरू आहे. सकल हिंदू समाजाच्या वतीने या मर्दानी वारशाला आणि धर्मरक्षक सरदाराला मानाचा मुजरा करण्यात येत आहे.
