अकलूजमध्ये महात्मा ज्योतिराव फुले जयंती उत्साहात साजरी होणार
अकलूज (प्रतिनिधी) :
समाजसुधारक, शिक्षणप्रेमी आणि शोषितांच्या हक्कांसाठी आयुष्यभर लढा देणारे महात्मा ज्योतिराव फुले यांची जयंती अकलूज येथे मोठ्या उत्साहात साजरी करण्यात येणार आहे. शनिवार, दि. ११ एप्रिल २०२६ रोजी सकाळी १० वाजता महात्मा फुले चौक, भाजी मंडई, अकलूज येथे हा जयंती सोहळा आयोजित करण्यात आला आहे.
या कार्यक्रमाला प्रमुख पाहुणे म्हणून माजी उपमुख्यमंत्री विजयसिंह मोहिते-पाटील तसेच माढा लोकसभेचे लोकप्रिय खासदार धैर्यशील मोहिते-पाटील उपस्थित राहणार आहेत.
याशिवाय अकलूज नगरपरिषद उपनगराध्यक्ष शिवतेजसिंह मोहिते-पाटील, नगरसेवक सयजीराजे मोहिते-पाटील, महाराष्ट्र राज्य कुस्तीगीर महासंघाचे उपाध्यक्ष डॉ. धवलसिंह मोहिते-पाटील, जिल्हा परिषद सदस्य अर्जुनसिंह मोहिते-पाटील तसेच नगराध्यक्षा रेश्मा अडगुळे यांची प्रमुख उपस्थिती राहणार आहे.
या सोहळ्यात महात्मा फुले यांच्या कार्याचा गौरव करत त्यांच्या विचारांचा जागर प्रसार केला जाणार असून, समाजातील सर्व घटकांनी मोठ्या संख्येने उपस्थित राहावे, असे आवाहन आयोजकांनी केले आहे.
या कार्यक्रमाचे आयोजक म्हणून गणेश दादा राऊत, बापूसाहेब एकतपुरे, बापूसाहेब बनकर,अमोल दादा एकतपुरे, मंथन फुके,मनोज क्षीरसागर,गणेश बनकर, आनंद एकतपुरे,हनुमंत बनकर,अजय बनकर, आदित्य भैय्या एकतपुरे, आदी कार्यकर्त्यांचा सहभाग असून, अकलूज शहरात या जयंती सोहळ्याबाबत उत्सुकता निर्माण झाली आहे.
