“सावध व्हा माता-भगिनींनो!” अकलूजमध्ये शिवप्रतिष्ठान हिंदुस्थानतर्फे ‘द केरळ स्टोरी २’ च्या माध्यमातून हिंदू अस्मितेचा जागर
अकलूज: संपादकीय
लव्ह जिहादच्या विळख्यातून आपल्या लेकीबाळींना वाचवण्यासाठी केवळ भावनिक होऊन चालणार नाही, तर बौद्धिकदृष्ट्या सक्षम होणे काळाची गरज आहे, हाच संदेश देत आज अकलूजमध्ये ‘श्री शिवप्रतिष्ठान हिंदुस्थान’च्या वतीने माता-भगिनींना ‘द केरळा स्टोरी टू’ हा चित्रपट दाखवण्यात आला. महिला दिनाचे औचित्य साधून आयोजित केलेल्या या कार्यक्रमात ७५ हून अधिक महिलांनी सहभाग नोंदवत ‘दुर्गा शक्ती’ जागृत करण्याचा निर्धार केला.
लेकीबाळींवर संस्कारांची गरज
आपली मुले चुकीच्या मार्गावर जात आहेत का? पालकांचे मुलांकडे दुर्लक्ष होत आहे का? आपण आपल्या मुलांना धर्मापासून दूर ठेवत आहोत का? अशा ज्वलंत प्रश्नांची जाणीव या चित्रपटाच्या माध्यमातून करून देण्यात आली. हिंदू धर्माचे महत्त्व आणि लव्ह जिहादसारख्या प्रवृत्तीला पायदळी तुडवण्यासाठी संघटित होण्याचे आवाहन यावेळी करण्यात आले.
सन्मान आणि प्रबोधन
कार्यक्रमाच्या यशस्वीतेसाठी शिवप्रतिष्ठानचे तालुकाप्रमुख गणेश इंगळे, विभागप्रमुख दीपक चिंतामणी, सुधीर पवार, रास्व संघाचे युवराजजी वाळके, धारकरी वैभव वडतिले, धारकरी आशिष जाधव, स्वयंसेवक दीपराज माने देशमुख, स्वयंसेवक प्रवीण रोडे तसेच शिवप्रतिष्ठानच्या महिला प्रमुख वर्षाताई गायकवाड आणि दुर्गा वाहिनीच्या सृष्टीताई पलंगे यांनी विशेष परिश्रम घेतले.चित्रपट संपल्यानंतर धारकरी सुधीर पवार यांनी प्रभावी प्रबोधन व कविता सादर केली, ज्याला उपस्थित महिलांनी उत्स्फूर्त दाद दिली. सर्व महिलांना सन्मानपूर्वक भेटवस्तू देऊन गौरविण्यात आले.
३० मार्चला हिंदू विराट संमेलन
कार्यक्रमाच्या शेवटी युवराजजी वाळके यांनी ३० मार्च २०२६ रोजी सायंकाळी ६ वाजता अकलूजमध्ये होणाऱ्या ‘हिंदू विराट संमेलना’ची माहिती दिली. धर्मरक्षण आणि हिंदू एकतेसाठी या संमेलनाला मोठ्या संख्येने उपस्थित राहण्याचे आवाहन त्यांनी केले.
