नवी दिल्ली: तामिळनाडूच्या कुड्डालोरमध्ये बुधवारी सरकारी बस उलटून दोन कारला धडकल्याने किमान सात जण ठार झाले, अशी माहिती पोलिसांनी दिली. टायर फुटल्याने बसने दिशा बदलली आणि कारची समोरासमोर धडक झाली.“चेन्नईहून तिरुचिरापल्लीकडे निघालेल्या दोन वाहनांना बसची धडक बसली. दोन खाजगी वाहनांमधील सात प्रवासी ठार झाले. अनेक लोक जखमी झाले आहेत,” असे एका जिल्हा पोलिस अधिकाऱ्याने पीटीआयला सांगितले. सरकारी बस तिरुचिरापल्लीहून चेन्नईला जात असताना कुड्डालोर येथील राष्ट्रीय महामार्गावर हा अपघात झाला.
