पहिल्याच नगरपरिषद निवडणुकीमध्ये अकलूज करांनी दिला भरभरून प्रतिसाद ;अकलूज मध्ये 69.22% मतदान झाले.
अकलूज (प्रतिनिधी )गणेश इंगळे.
अकलूज (प्रतिनिधी): अकलूज नगर परिषदेच्या सार्वत्रिक निवडणुकीची मतदान प्रक्रिया चालू असतानाच प्रभाग सात मधील भाजपाच्या उमेदवाराच्या पतीने मशीन आपटले यामुळे सुमारे तासभर मतदारांची भांभेरी व गोंधळ उडाला.
प्रभाग 5 बुथ मधील ईव्हिएम काही वेळासाठी बंद पडली. या दोन घटना वगळता सर्व निवडणूक शांततेत व उत्साहात पार पडली.
अकलूज नगर परिषदेची ही पहिलीच निवडणूक आहे. या निवडणुकीसाठी १३ प्रभागातील ३९ बुथवर मतदान झाले. सकाळी७:३० वाजता मतदानाला सुरुवात झाली. परंतु कडाक्याच्या थंडी असल्यामुळे सुरुवातीच्या दोन तासात नागरिकांचा प्रतिसाद कमी होता. सकाळच्या पहिल्या दोन तासात ८.५९ टक्के मतदान झाले.
त्यानंतर मात्र नागरिकांचा प्रतिसाद वाढला मतदान केंद्राबाहेर रांगा लागल्या होत्या. सकाळी मतदान सुरू झालेंनंतर काही वेळाने प्रभाग क्रमांक पाच मधील अकलाई विद्यालयामधील बुधवर वरील मशीन काही काळासाठी बंद पडली तर दुपारी प्रभाग ७ ब (स्वीमिंग टँक परिसर) मधील भाजपाचे उमेदवार अंकिता पाटोळे यांचे पती (उमेदवार प्रतिनिधी) अंबादास पाटोळे यांनी मशीनचे बटन बंद पडते म्हणून मशीन आपटल्याची तक्रार क्रांतिसिंह माने पाटील यांनी निवडणूक निर्णय अधिकाऱ्यांकडे दिली आहे.
यावर पोलिसांनी अंबादास पाटोळे यांना ताब्यात घेतले असून गुन्हा नोंद करण्याचे काम सुरु होते.
सकाळी साडेसात ते दुपारी १.३० वाजेपर्यत १३ हजार २६१ मतदारांनी मतदान केले. यामध्ये ६ हजार ७७६ पुरुष व ६ हजार ४८१ महिला व इतर ४ मतदारांनी मतदान केले. त्याची टक्केवारी ३९.३० इतकी आहे. दुपारी ३.३० वाजेपर्यंत ९१०३ पुरुष, ९११९ महिला आणि इतर ०६ अशा १८२२८ मतदान झाले असून ५३.४२ टक्के मतदार झाले. मतदानाच्या अखेरच्या वेळेपर्यंत ५.३० वाजता 12161 पुरुष 11650 महिला इतर सहा अशा एकूण 23817 नागरिकांनी मतदानाचा हक्क बजावला अकलूज नगर परिषदेत 69.22% मतदान झाले.
आणि मुंबई हायकोर्टाच्या नागपूर खंडपीठाने निवडणुकीचा निकाल पुढे ढकलल्यामुळे निकालाची सर्वांचीच उत्कंठा शिगेला पोहोचली आहे येथे 21 डिसेंबरला अकलूज चा नगराध्यक्ष कोण आणि अकलूजची सत्ता कोणाची हे बघायला सर्वच अकलूजकर उत्सुक आहेत.
मोहिते पाटील आपला गड राखणार का?का भारतीय जनता पार्टी अकलूज मध्ये आपली सत्ता प्रस्थापित करणार हे येत्या 21 डिसेंबरलाच कळेल.
