स्वराज्य हेर…..🖊️
(सहसंपादक रणजीतदादा गायकवाड. )
मुख्यमंत्री देवेंद्र फडणवीस यांच्या भेटीसाठी रणजितसिंह मोहिते पाटील यांच्यासह परिवारातील अनेक सदस्य मुंबईला गेले असल्याची चर्चा….
संपूर्ण माळशिरस तालुक्यामध्ये सुरू झाली होती . परंतु ती अद्याप समोर आलेली नाही. मात्र माळशिरस तालुक्यातील अकलूज येथील माने पाटील व वेळापूर येथील देशमुख परिवारातील सदस्य यांनी माजी आमदार राम सातपुते यांच्या समवेत मुख्यमंत्री फडणवीस यांची भेट घेतली आहे.यामुळे तालुक्यातील राजकारणात खळबळ तर उडालीच आहे परंतु अनेकांच्या भुवया उंचावल्या आहेत.
माजी आमदार राम सातपुते यांचे राजकीय वजन मोहिते पाटील यांच्यापेक्षा ही जास्त???
माळशिरस तालुका व परिसरात प्रभाव असनारे नेते शशिकांतराव नारायणराव माने,जयराज शशिकांतराव माने,युवाउद्योजक सुजयसिंह हिंदूराव माने,विक्रमसिंह माने देशमुख, इंद्रनील विक्रमसिंह माने देशमुख,राजकुमार हरिभाऊ कुलकर्णी या सर्व मंडळींनी माजी आमदार राम सातपुते यांच्या नेतृत्वाखाली मुख्यमंत्री देवेंद्र फडणवीस यांची भेट घेतली आहे.
मोहिते पाटील यांच्यापेक्षा माजी आमदार राम सातपुते यांचे राजकीय वजन… मुख्यमंत्री देवेंद्र फडणवीस यांच्या जवळ जास्त असल्याचं दिसून आलेआहे.एकेकाळी उपमुख्यमंत्री राहिलेल्या विजयसिंह शंकरराव मोहिते पाटील यांच्या मुलाला डावलून फडणवीस यांनी माजी आमदार राम सातपुते यांचे राजकीय वजन आपल्याजवळ जास्त असल्याचं हे कालच्या भेटीतून स्पष्ट होत आहे. मोहिते पाटील यांना फडणवीस यांनी राम सातपुते यांच्या नेतृत्वाखाली आलेल्या माने पाटील व माने देशमुख यांना भेट देऊन राजकीय डाव टाकला का? अशी चर्चा सर्वत्र दिसून येत आहे. विधानपरिषद आमदार रणजितसिंह मोहिते पाटील यांच्या बद्दल असलेली नाराजी फडणवीस यांनी या भेटीच्या माध्यमातून दाखवून दिली असावी हे ही नाकारता येत नाही. आणी अशातच माने पाटील कुटुंबातील सदस्य भारतीय जनता पक्षामध्ये प्रवेश करण्यासाठी अनुकूल असल्याची माहिती समोर आलेली आहे .
अकलुज नगरपरिषद निवडणुकीत माने पाटील परिवार हा भारतीय जनता पार्टीच्या बरोबर असेल अशी चर्चा तालुक्यातील राजकारणात दिसून येत आहे.
