लाडक्या बहिणींसाठी भाजपचा अनोखा उपक्रम; २५० महिलांना ‘देऊळ बंद २’ चित्रपटाचे मोफत प्रदर्शन

अकलूज प्रतिनीधी 

भारतीय जनता पार्टी, अकलूज शहर यांच्या वतीने लाडक्या बहिणींसाठी विशेष उपक्रमाचे आयोजन करण्यात आले असून सुमारे २५० महिलांना ‘देऊळ बंद २’ हा चित्रपट मोफत दाखविण्यात येणार आहे. सामाजिक व सांस्कृतिक जाणीव जागृत करण्याच्या उद्देशाने हा कार्यक्रम आयोजित करण्यात आला आहे.

या कार्यक्रमास संस्कृती राम सातपुते, प्रकाश बापू पाटील, आप्पासाहेब देशमुख, तसेच सुजयसिंह माने पाटील यांच्यासह भाजपचे सर्व नेते व पदाधिकारी उपस्थित राहणार आहेत.

महिलांना सामाजिक विषयांवरील दर्जेदार चित्रपट पाहण्याची संधी उपलब्ध करून देण्याच्या उद्देशाने हा उपक्रम राबविण्यात येत असून परिसरातील महिलांकडून त्यास उत्स्फूर्त प्रतिसाद मिळत आहे.

या कार्यक्रमाचे प्रमुख आयोजक भारतीय जनता पार्टी अकलूज शहरचे अध्यक्ष मा. श्री महादेवजी कावळे आहेत. त्यांच्या नेतृत्वाखाली हा उपक्रम राबविण्यात येत असून महिलांसाठी विविध सामाजिक उपक्रम सातत्याने आयोजित करण्याचा भाजपचा प्रयत्न असल्याचे आयोजकांनी सांगितले.

कार्यक्रमामुळे महिलांमध्ये सामाजिक जागरूकता वाढण्यास मदत होणार असून अकलूज शहरात या उपक्रमाची विशेष चर्चा होत आहे.