अकलूजमध्ये हायप्रोफाईल वेश्या व्यवसायावर पोलिसांचा दुहेरी घाव; दोन ठिकाणी छापे, ३ महिलांची सुटका, ४ आरोपी जेरबंद
AHTU व अकलूज पोलिसांची संयुक्त कारवाई; दोन लॉज मालक, दोन मॅनेजर अटकेत, दोन्ही कारवायांत मिळून ₹४३,५०० चा मुद्देमाल जप्त
अकलूज | प्रतिनिधी
अकलूज व महाळुंग रोड परिसरातील दोन वेगवेगळ्या ठिकाणी सुरू असलेल्या हायप्रोफाईल वेश्या व्यवसायाचा सोलापूर ग्रामीणच्या अनैतिक मानवी वाहतूक प्रतिबंधक कक्ष (AHTU) आणि अकलूज पोलिसांनी संयुक्त कारवाईत पर्दाफाश केला. ७ जुलै २०२६ रोजी झालेल्या या दोन धडक कारवायांमध्ये ३ पीडित महिलांची सुटका, ४ आरोपींना अटक करण्यात आली असून एकूण ₹४३,५०० किमतीचा मुद्देमाल जप्त करण्यात आला आहे. या सलग कारवायांमुळे अकलूज परिसरात मोठी खळबळ उडाली आहे.
कारवाई क्रमांक १ : खाजगी इमारतीवर छापा
अकलूज-महाळुंग रोडवरील विनायक आडत यांच्या खाजगी इमारतीत वेश्या व्यवसाय सुरू असल्याची गुप्त माहिती पोलिसांना मिळाली.
- पोलिसांनी ₹२,०००च्या चिन्हांकित नोटांसह बनावट ग्राहक पाठवून खात्री केली.
- सायंकाळी ५.०५ वाजता पोलिसांनी थेट छापा टाकला.
- लॉज मालक विनायक काशिनाथ आडत (४०) व मॅनेजर महादेव आप्पा चौधरी (३९) यांना ताब्यात घेण्यात आले.
- दोन खोल्यांमधून नवी मुंबई व पुणे येथील दोन महिलांची सुटका करण्यात आली.
जप्त मुद्देमाल ₹२,००० रोख,
विवो कंपनीचे २ मोबाईल,
१४ सिलबंद निरोध पाकिटे,
एकूण किंमत : ₹२२,०००
दाखल गुन्हा
BNS कलम १४३(२), १४४, ३(५)
PITA कायद्यान्वये गुन्हा दाखल.
कारवाई क्रमांक २ : ‘लयभारी लॉजिंग’वर मध्यरात्री धाड
बडेनगर येथील लयभारी लॉजिंगमध्ये 6 महिलांनकडून जबरदस्तीने वेश्याव्यवसाय करून घेतला जात असल्याची माहिती पोलिसांना मिळाली.
- ₹१,५००च्या चिन्हांकित नोटांसह बनावटी बनावटी ग्राहक पाठवण्यात आला.
- रात्री ११ वाजता पोलिसांनी धाड टाकली.
- लॉज मालक हेमंत नामदेव बडे (५६) व मॅनेजर सचिन राजाराम बनसोडे (३५) यांना अटक करण्यात आली.
- हडपसर (पुणे) येथील ३५ वर्षीय महिलेची सुटका करण्यात आली.
- जप्त मुद्देमाल ₹१,५०० रोख
- २ मोबाईल फोन
- इतर आक्षेपार्ह साहित्य
- एकूण किंमत : ₹२१,५००
दाखल गुन्हा
BNS कलम १४३(२), १४४, ३(५)
PITA कलम ३, ४, ५ व ६ अन्वये गुन्हा दाखल.
ठळक मुद्दे
✔️ दोन ठिकाणी एकाच दिवशी धडक कारवाई
✔️ ३ पीडित महिलांची सुटका
✔️ ४ आरोपी अटकेत
✔️ ₹४३,५०० चा मुद्देमाल जप्त
✔️ AHTU व अकलूज पोलिसांची संयुक्त कारवाई
✔️ अनैतिक मानवी व्यापाराविरोधात मोठी मोहीम.
सोलापूर ग्रामीणच्या अनैतिक मानवी वाहतूक प्रतिबंधक कक्ष (AHTU) आणि अकलूज पोलिसांनी केलेल्या या सलग कारवायांमुळे अकलूज परिसरातील बेकायदेशीर लॉजिंग व अनैतिक व्यवसाय करणाऱ्यांमध्ये भीतीचे वातावरण निर्माण झाले असून, दोन्ही प्रकरणांचा पुढील तपास अकलूज पोलीस करत आहेत.
