अखिल भारतीय विद्यार्थी परिषद, पंढरपूर जिल्हाच्या वतीने ‘UNMESH 1.0’ उन्हाळी शिबिराचे आयोजन
“हा Summer फक्त घालवायचा नाही… घडवायचा आहे!”
पंढरपूर प्रतिनिधी:
विद्यार्थ्यांच्या व्यक्तिमत्त्व विकासाला चालना देण्यासाठी व सुट्टीचा वेळ सकारात्मक उपक्रमांमध्ये व्यतीत व्हावा या उद्देशाने अखिल भारतीय विद्यार्थी परिषद पंढरपूर जिल्हाच्या वतीने “UNMESH 1.0” या तीन दिवसीय उन्हाळी शिबिराचे आयोजन करण्यात आले आहे. हे शिबिर दि. १, २ व ३ जून २०२६ रोजी नरसिंगपूर (ता. इंदापूर, जि. पुणे) येथे पार पडणार आहे.
आजच्या काळात अनेक युवकांचा उन्हाळा मोबाईल, टाइमपास आणि निष्क्रियतेत जात असल्याचे चित्र दिसते. याच पार्श्वभूमीवर विद्यार्थ्यांना करिअर, नेतृत्व, साहस आणि व्यक्तिमत्त्व विकासाचा अनुभव देण्यासाठी हे विशेष शिबिर आयोजित करण्यात आले आहे.
शिबिरामध्ये करिअर मार्गदर्शन, वनभटकंती, रात्रभटकंती, सांघिक खेळ, नेतृत्व विकास, वादविवाद स्पर्धा, खजिना शोध, आकाश दर्शन, हुनरबाज, मैदानी खेळ यांसारखे विविध उपक्रम होणार आहेत. त्यामुळे विद्यार्थ्यांना नवीन अनुभवांसोबत आत्मविश्वास आणि कौशल्य विकसित करण्याची संधी मिळणार आहे.
या शिबिरासाठी १६ ते २३ वर्षे वयोगटातील विद्यार्थ्यांनाच प्रवेश देण्यात येणार असून प्रवेश शुल्क फक्त ₹२४९ ठेवण्यात आले आहे. नोंदणीची अंतिम तारीख २५ मे २०२६ असून जागा मर्यादित असल्याने विद्यार्थ्यांनी लवकर नोंदणी करण्याचे आवाहन आयोजकांनी केले आहे.
नोंदणीसाठी आयोजकांनी ऑनलाइन फॉर्म उपलब्ध करून दिला असून अधिक माहितीसाठी. समिक्षा घायाळ (९१७२३०४०१८), श्रीदत्त गायकवाड (९९७०३५५१५१) व जयदीप निकम (७४४७५१०९२०) यांच्याशी संपर्क साधण्याचे आवाहन करण्यात आले आहे.
