नवी दिल्ली: संसदेचे हिवाळी अधिवेशन 1 डिसेंबरपासून सुरू होणार असून ते 19 डिसेंबरपर्यंत चालणार आहे, अशी घोषणा संसदीय कामकाज मंत्री किरेन रिजिजू यांनी शनिवारी केली.रिजिजू यांनी X वर एका पोस्टमध्ये म्हटले आहे की, “भारताचे राष्ट्रपती, द्रौपदी मुर्मू जी यांनी 1 डिसेंबर 2025 ते 19 डिसेंबर 2025 (संसदीय कामकाजाच्या आवश्यकतेनुसार) संसदेचे हिवाळी अधिवेशन बोलावण्याच्या सरकारच्या प्रस्तावाला मंजुरी दिली आहे. आपल्या लोकशाहीला बळकटी देणारे आणि लोकांच्या आकांक्षा पूर्ण करणाऱ्या विधायक आणि अर्थपूर्ण अधिवेशनाची वाट पाहत आहोत.
