वेळापूरमध्ये कट्टरपंथी शिक्षणप्रकरण उघड; पोलीसांची ठोस कारवाई
वेळापूर प्रतिनिधी:
वेळापूर येथे गेल्या काही दिवसांपासून हैदराबादहून एक नव्हे तर अनेक मौलवी येत असून, त्यांच्या माध्यमातून कट्टरपंथी विचारसरणीचे शिक्षण दिले जात असल्याची गंभीर बाब समोर आली. या प्रकारामुळे स्थानिक नागरिकांमध्ये तीव्र चिंता निर्माण झाली होती.
ही माहिती मिळताच सकल हिंदू समाजाच्या प्रतिनिधींनी तात्काळ पोलीस प्रशासनाशी संपर्क साधून या प्रकरणाची सखोल चौकशी करण्याची ठाम मागणी केली.
दरम्यान, डॉ. धवलसिंह मोहिते पाटील यांनी स्वतः पोलीस प्रशासनाची भेट घेत या प्रकरणाची गांभीर्याने चौकशी व्हावी, तसेच समाजात तणाव निर्माण करणाऱ्या अशा प्रकारांवर कठोर कारवाई करावी, अशी मागणी केली.
स्थानिकांच्या म्हणण्यानुसार, येथे दिले जाणारे शिक्षण समाजात विभाजन निर्माण करणारे व हिंदू संस्कृतीला बाधा पोहोचवणारे असल्याची भावना व्यक्त करण्यात आली. या पार्श्वभूमीवर पोलीस प्रशासनाने परिस्थितीची दखल घेत तात्काळ हस्तक्षेप केला.
प्राथमिक तपासणीनंतर संबंधित ठिकाणी नियमबाह्य पद्धतीने हा उपक्रम सुरू असल्याचे निदर्शनास आले. यानंतर पोलिसांनी कोणताही विलंब न करता संबंधित ठिकाण बंद करण्याची ठोस कारवाई केली.
पोलीस प्रशासनाने स्पष्ट केले की, समाजात कोणत्याही प्रकारची कट्टरता, बेकायदेशीर उपक्रम किंवा तणाव निर्माण करणाऱ्या गोष्टी सहन केल्या जाणार नाहीत. कायदा व सुव्यवस्था राखणे ही सर्वोच्च प्राधान्याची बाब असून, अशा प्रकारांवर कठोर कारवाई केली जाईल.
दरम्यान, स्थानिक नागरिकांनी प्रशासनाच्या कारवाईचे स्वागत करत समाजातील शांतता, सुरक्षितता आणि सांस्कृतिक संतुलन टिकवण्यासाठी सर्वांनी सजग राहण्याचे आवाहन केले…..
