धक्कादायक: विवाहित असूनही नाव बदलून मुलींना फसवणारा इक्बाल शेख रडारवर; नातेपुते पोलिसांत तक्रार दाखल.

नातेपुते (ता. माळशिरस):

खोट्या ओळखीच्या आधारे हिंदू मुलींना जाळ्यात ओढण्याचे धक्कादायक रॅकेट नातेपुते परिसरात उघडकीस आले असून, यामुळे संपूर्ण तालुक्यात खळबळ उडाली आहे. आपण हिंदू असल्याचे भासवून एका मुस्लिम तरुणाने हिंदू मुलीची फसवणूक केल्याचा प्रकार समोर आला असून, याप्रकरणी सकल हिंदू समाजाने आक्रमक पवित्रा घेतला आहे.

मिळालेल्या माहितीनुसार, संबंधित आरोपीने त्याचे नाव “दक्ष वैद्य” असल्याचे सांगून पीडित मुलीशी ओळख वाढवली. आपण हिंदू धर्मातील असल्याचे भासवण्यासाठी त्याने चक्क बोगस कागदपत्रेही तयार केली होती. लग्नाचे आमिष दाखवून त्याने पीडित मुलीला आपल्या जाळ्यात ओढले. मात्र, या प्रकरणाचा छडा लागला असता, संबंधित तरुणाचे खरे नाव इक्बाल शेख (रा. उंबरे, जि. अहिल्यानगर) असल्याचे समोर आले आहे.

तपासात आणखी एक धक्कादायक बाब उघड झाली आहे की, आरोपी इक्बाल शेख हा आधीच विवाहित आहे. असे असूनही तो आपली खरी ओळख लपवून आणि बनावट कागदपत्रांच्या आधारे हिंदू मुलींना जाणीवपूर्वक लक्ष्य करत असल्याचे प्राथमिक दृष्ट्या दिसून येत आहे. हे केवळ वैयक्तिक फसवणुकीचे प्रकरण नसून, यामागे एखादे मोठे जाळे किंवा कट असण्याची दाट शक्यता व्यक्त केली जात आहे.

या घटनेचे गांभीर्य ओळखून आज ‘सकल हिंदू समाजा’च्या वतीने नातेपुते पोलीस स्टेशनवर धडक देण्यात आली. आरोपी इक्बाल शेख याच्यावर तातडीने कठोर कायदेशीर कारवाई करण्यात यावी आणि पीडित मुलीला न्याय मिळवून द्यावा, अशी मागणी निवेदनाद्वारे करण्यात आली आहे. “देव, देश आणि धर्माचे रक्षण करणे हे आमचे कर्तव्य असून, हिंदू मुलींच्या वाट्याला जाणाऱ्या अशा विकृत प्रवृत्तींना धडा शिकवल्याशिवाय आम्ही स्वस्थ बसणार नाही,” अशी भूमिका यावेळी हिंदू संघटनेच्या पदाधिकाऱ्यांनी मांडली.

अशा प्रकारच्या फसवणुकीच्या घटनांपासून वाचण्यासाठी हिंदू समाजाने आणि पालकांनी सतर्क राहणे अत्यंत गरजेचे असल्याचे आवाहनही यावेळी करण्यात आले. पोलीस आता या प्रकरणाचा अधिक तपास करत असून, यामागे आणखी कोणाचे हात आहेत का, याचा शोध घेत आहेत.

यावेळी डॉ. धवलसिंह मोहिते पाटील म्हणाले,ज्या दक्ष वैद्य नावाची कागदपत्रे तयार केलेले आहेत हे रॅकेट पोलिसांनी मुळापर्यंत जाऊन समाजासमोर आणले पाहिजे.आणि माळशिरस तालुक्यामध्ये सुद्धा अशा पद्धतीचे रॅकेट तर सक्रिय नाही ना? येणाऱ्या काळामध्ये हे सुद्धा बघितले जाईल

#न्यायमिळालाचपाहिजे #जागरूकतागरजेची #नातेपुते #हिंदुधर्म #महाराष्ट्रन्यूज #CrimeNews