शिवराज अष्टकातील सहावे सुवर्णपान; ‘रणपति शिवराय: स्वारी आग्रा’ आजपासून चित्रपटगृहात!

दिग्पाल लांजेकर यांच्या ऐतिहासिक ‘शिवराज अष्टक’ मालिकेतील सहावे चित्रपुष्प ‘रणपति शिवराय: स्वारी आग्रा’ या चित्रपटाची सध्या सर्वत्र चर्चा आहे.

स्वराज्यहेर अकलूज :- संपादकीय

शिवराज अष्टकाचे सहावे सुवर्णपुष्प: ‘रणपति शिवराय: स्वारी आग्रा’चा डंका!

मराठी चित्रपटसृष्टीतील प्रसिद्ध लेखक आणि दिग्दर्शक दिग्पाल लांजेकर यांच्या ‘श्री शिवराज अष्टक’ संकल्पनेतील सहावा चित्रपट ‘रणपति शिवराय: स्वारी आग्रा’ प्रदर्शनासाठी सज्ज झाला आहे.छत्रपती शिवाजी महाराजांच्या आयुष्यातील अत्यंत थरारक आणि बुद्धिचातुर्याचा कस पाहणारा ‘आग्रा सुटकेचा’ प्रसंग या चित्रपटातून प्रेक्षकांसमोर येणार आहे.

नवा चेहरा, नवा उत्साह

या चित्रपटाचे सर्वात मोठे आकर्षण म्हणजे छत्रपती शिवाजी महाराजांची भूमिका.आतापर्यंतच्या चित्रपटांमध्ये चिन्मय मांडलेकर यांनी ही भूमिका साकारली होती, मात्र ‘रणपति शिवराय’मध्ये नव्या दमाचा अभिनेता अभिजीत श्वेतचंद्र शिवरायांच्या भूमिकेत दिसणार आहे. त्याच्या लूकचे पोस्टर आणि टीझरला सोशल मीडियावर शिवभक्तांकडून प्रचंड प्रतिसाद मिळत आहे.

इतिहासातील थरारक अध्याय

हा चित्रपट शिवचरित्रातील ‘स्वारी आग्रा’ या ऐतिहासिक घटनेवर आधारित आहे.औरंगजेबाच्या दरबारातील तो बाणेदारपणा, नजरकैदेतून झालेली ती अद्भुत सुटका आणि महाराजांनी वापरलेला गनिमी कावा, हे सर्व मोठ्या पडद्यावर पाहणे प्रेक्षकांसाठी एक पर्वणी ठरणार आहे.

तगडी स्टारकास्ट

चित्रपटात अनुभवी कलाकाराआणि प्रसन्न केतकर यांच्याही महत्त्वाच्या भूमिका आहेत.

प्रदर्शनाची तारीख

हा चित्रपट आधी ३० जानेवारी २०२६ रोजी प्रदर्शित होणार होता, परंतु काही कारणास्तव प्रदर्शनाची तारीख पुढे ढकलण्यात आली होती. आता हा चित्रपट आज ६ फेब्रुवारी २०२६ रोजी संपूर्ण महाराष्ट्रात प्रदर्शित होत आहे.

पॅनोरमा स्टुडिओज आणि मुगाफी यांनी या चित्रपटाची निर्मिती केली असून, यापूर्वीच्या ‘फर्जंद’, ‘फत्तेशिकस्त’, ‘पावनखिंड’, ‘शेर शिवराज’ आणि ‘सुभेदार’ या पाचही चित्रपटांप्रमाणेच ‘रणपति शिवराय’ देखील बॉक्स ऑफिसवर इतिहास घडवेल, अशी आशा व्यक्त केली जात आहे.