*अकलूज पोलिस स्टेशन मध्ये महिला दिनी स्त्री शक्तीचा सन्मान*
प्रतिनिधी रणजितदादा गायकवाड.
दि ८ मार्च जागतिक महिला दिन या दिवसाचे औचित्य साधून आकलुज पोलीस स्टेशन येथे सकाळी ११ ते १ या वेळेत समाजातील स्त्री शक्तीचा सन्मान सोहळा आयोजित केला होता .
या कार्यक्रमास अकलूज नगर परिषदेच्या नगराध्यक्ष रेश्मा अडगळे सर्व महिला नगरसेवक अकलूज पोलीस ठाणे येथील महिला कर्मचारी अधिकारी तसेच परिसरातील महिला पोलीस पाटील महिला होमगार्ड महिला दक्षता समितीतील डॉक्टर वकील शिक्षक समाजसेवक पत्रकार राजकिय क्षेत्रात काम करणार्या अशा सर्वच क्षेत्रातील महिलांची मोठ्या संख्येने उपस्थिती होती .
कार्यक्रमदरम्यान उपस्थित सर्वच महिलांचा फेटा बांधून पुष्पउच्च देऊन तसेच फुलांचे झाड देऊन सन्मान करण्यात आला यावेळी विविध क्षेत्रात कार्यरत असलेल्या महिलांनी आपल्या अनुभवांबरोबरच महिलांना भेडसावणाऱ्या अडचणी आणि त्यावरील उपाय योजना याबाबत मार्गदर्शनपर विचार मांडले तसेच महिला संरक्षण सुरक्षा आणि महिलांचे सक्षमीकरण याबाबत ही चर्चा करण्यात आली सदर कार्यक्रमात अकलूज महिला पोलीस कर्मचारी अधिकारी यांनीही उपस्थित महिलांना मार्गदर्शन केले संपूर्ण कार्यक्रम खेळीमेळ्याच्या वातावरणात संपन्न झाला.
