नारी शक्तीचा सन्मान; मातृशक्तीने मोठ्या संख्येने उपस्थित राहण्याचे आवाहन
स्वराज्य हेर न्यूज | अकलूज
राष्ट्रीय स्वयंसेवक संघ, पंढरपूर जिल्हा संपर्क विभागाच्या वतीने नारी शक्तीचा सन्मान करण्याच्या उद्देशाने ‘नवदुर्गा सन्मान’ सोहळ्याचे आयोजन करण्यात आले आहे. या कार्यक्रमाच्या माध्यमातून समाजातील महिलांचे साहस, समर्पण आणि कर्तृत्व यांचा गौरव करण्यात येणार आहे.
या सोहळ्यास प्रमुख पाहुणे म्हणून अकलूज येथील अश्विनी हॉस्पिटलचे डॉ. एम. के. इनामदार उपस्थित राहणार आहेत. तर प्रमुख वक्त्या म्हणून राष्ट्र सेविका समिती, पंढरपूर येथील डॉ. सौ. श्रद्धाताई कुलकर्णी मार्गदर्शन करणार आहेत.
राष्ट्रीय स्वयंसेवक संघाचे माजी जिल्हा संघचालक डॉ. रमेश संपती यांच्या विनंतीनुसार या कार्यक्रमासाठी महिला भगिनींनी व मातृशक्तीने मोठ्या संख्येने उपस्थित राहावे, असे आवाहन करण्यात आले आहे.
‘साहस, समर्पण आणि कर्तृत्व’ या भावनेतून आयोजित करण्यात येणारा हा सोहळा नारी शक्तीच्या कार्याचा गौरव करणारा ठरणार आहे.
संपर्क : प्रदीप कनाळ – ९७६४६९९०१२, संग्राम चव्हाण – ९८६०२७०९१८
