कृष्णानंद विद्यामंदिर पाटील वस्ती (अकलूज) येथे 2004/05 10वी अ/ब/ बॅचचे स्नेहसंमेलन अगदी आनंदमय वातावरणात संपन्न.
अकलूज-(संपादक सुधीर पवार)
यामध्ये तब्बल 21 वर्षानंतर सर्व मित्र व मैत्रिणी एकत्र आले. त्याचबरोबर या गेट-टुगेरमध्ये खास निमंत्रित दहावीचे वर्गशिक्षक एच.बी.मगर सर व टेक्निकल विभागाचे नारायणकर सर यांची विशेष उपस्थिती.यामध्ये सर्व माजी विद्यार्थ्यांनी शाळेच्या गेट पासून अगदी हलगीच्या नादामध्ये दोन्ही शिक्षकांचं वर्गात अतिशय धुमधडाक्यात स्वागत केले.
प्रथम सरस्वती मातेचे प्रतिमेचे पूजन करण्यात आलं. वर्गात राष्ट्रगीत गाण्यात आलं.जे जुने मित्र आपल्यातून निघून देवाघरी गेले आहेत त्यांची आठवण म्हणून त्यांना भावपूर्ण श्रद्धांजली वाहण्यात आली.
प्रास्ताविक सोहम घाडगे यांनी केली .सर्व माजी विद्यार्थ्यांनी सरांना आपली नावासहित ओळख करून दिली नंतर आपल्या वर्गातील ज्या ज्या विद्यार्थ्यांनी एमपीसी च्या माध्यमातून वर्गाचं नाव कमवल अशा यशस्वी विद्यार्थ्यांचा सन्मान नारायणकर सर व मगर सर यांच्या हस्ते पार पाडण्यात आलं. त्याचबरोबर जे युवा उद्योजक असतील शेतकरी असेल कामगार असेल त्या सर्व विद्यार्थ्यांचाही गुलाब पुष्प देऊन सन्मान करण्यात आला.मुलींचाही स्पेशल सन्मान करण्यात आला.
नंतर प्रत्येकाने आपली भाषणे केली जुने किस्से,मजेदार किस्से ,व यशस्वी होण्यामागचं मूलमंत्र सर्वांनी सांगितला.वर्गात बसल्यानंतर सर्वांना जणू काही आपण पुन्हा वर्गात लहानच झालो का काय असं वाटायला लागलं. सगळ्यांच्या चेहऱ्यावर हास्य फुललेलं होतं शेवटी HB मगर सर यांनी मुलांना मार्गदर्शन आणि भविष्यात कशाप्रकारे जीवन जगले पाहिजे ह्याचा मंत्र दिला. शेवटी इंग्लिश मध्ये ही सरांनी संभाषण करून सर्व माजी विद्यार्थ्यांचे मने जिंकली, ज्या विद्यार्थ्यांनी गेट-टुगेदर साठी अथक प्रयत्न केले त्यांचंही सरांनी आभार मानले.
निवेदकाचे काम बाळासाहेब वाघमोडे यांनी अतिशय व्यवस्थितरित्या पार पाडले आभार दीपक भांगे यांनी मानले व शेवटी पुढच्या वर्षी याच्याही पेक्षा उत्तम गेट-टुगेदर चा कार्यक्रम करूया असा सर्व माजी विद्यार्थ्यांनी निर्धार केला व शेवटी जेवणाचा आस्वाद हॉटेल सिझलिंग संग्राम नगर या ठिकाणी सर्वांना येण्याचा आग्रह केला सर्वांनी जेवणाचा आनंद घेतला अशा प्रकारे खेळीमेळीच्या वातावरणात गेट-टुगेदर चा कार्यक्रम संपन्न झाला.
