माळशिरस प्रतिनिधी – गणेश इंगळे.
दि,०८ जानेवारी २०२६ रोजी,जिल्हा परिषद प्राथमिक शाळा वटपळी येथे बाल आनंदी मेळावा आयोजित करण्यात आला. यामध्ये विद्यार्थ्यांनी भाजी, फळे, स्टेशनरी, खाऊचे पदार्थ ,फनी गेम्स असे स्टॉल उभे केले होते. यामध्ये विद्यार्थी व पालकांचा उत्साह दिसून आला. विद्यार्थ्यांना बाल वयापासून व्यवहार ज्ञान समजावे म्हणून हा उपक्रम आयोजित केला होता. या उपक्रमामध्ये सुमारे 7800 रुपये एवढी उलाढाल झाली.
यावेळी शाळेच्या मुख्याध्यापिका सविता फुले यांनी शाळे ला विविध कार्यक्रमामध्ये मिळालेल बक्षीस असेल विद्यार्थ्यांनी मिळवलेले यश याबद्दल थोडक्यात माहिती दिली.
तालुकास्तरीय चित्रकला स्पर्धेत जि.प.प्राथमिक शाळा वटपळी ची विद्यार्थीनी *समृद्धी रणजित वाघ* हिने तृतीय क्रमांक मिळवला.
पंचायत समिती माळशिरस,जिल्हा परिषद सोलापूर विद्यार्थी गुणवत्ता शोध चाचणी अंतर्गत तालुकास्तरीय लोकनृत्य स्पर्धा सन-२०२५-२६ मध्ये जि.प.प्राथमिक शाळा वटपळी ने तृतीय क्रमांक पटकवला.
माळशिरस तालुकास्तरीय 53 वे विज्ञान प्रदर्शन 2025-26 च्या स्पर्धेमध्ये जि.प.प्राथमिक शाळा वटपळी सहभागाबद्दल महेश महादेव वाघ, इयत्ता ७ वी, सोहम बापूराव वाघमोडे इयत्ता ७ वी यांना प्रशस्तिपत्र देऊन सन्मानित करण्यात आले.
यावेळी शालेय व्यवस्थापन समितीचे अध्यक्ष सोमनाथ घुले उपाध्यक्ष रणजीत वाघ तसेच आदरणीय झुरुळे आबा शालेय व्यवस्थापन समितीच्या सदस्य सौ.आरती साठे व सौ .प्रगती शेटे तसेच माता भगिनी व पालक उपस्थित होते.मुख्याध्यापिका श्रीमती .सविता फुले, उपशिक्षिका श्रीम.साजिदा आतार, विषय शिक्षिका सौ.यास्मिन तांबोळी उपस्थीत होत्या.
