माळशिरस तालुका व्हाईस ऑफ मिडीया देशव्यापी संघटनेच्या नुतन निवडी जाहीर
अकलूज /प्रतिनिधी :
पत्रकार दिनाचे औचित्य साधून अकलूज येथील शासकीय विश्रामगृहात दि.४ जानेवारी २०२५ रोजी ५८ देशांत पत्रकारांच्या प्रश्नांना न्याय हक्कांसाठी लढा देणारी क्रांतीकारी पत्रकार संघटना म्हणजेच व्हॉईस ऑफ मिडिया,व्ही.ओ.एम.इंटरनॅशनल फोरम या देशव्यापी पत्रकार संघटनेचे संस्थापक अध्यक्ष मा.संदीप काळे सर तसेच सोलापूर जिल्हा कोअर कमिटी यांच्या मार्गदर्शनाखाली नूतन माळशिरस तालुका अध्यक्ष आण्णा भोसले यांच्या अध्यक्षतेखाली मोठ्या उत्साहात खेळीमेळीच्या वातावरणात पार पडली.
या बैठकीत माळशिरस तालुक्यातील नवीन कार्यकारिणी जाहीर करण्यात आली. या बैठकीत माळशिरस तालुका अध्यक्ष म्हणून अण्णा भोसले यांची एकमताने बिनविरोध निवड करण्यात आली.
माळशिरस तालुका कोअर कमिटी सदस्य शिवराम गायकवाड,तालुका उपाध्यक्षपदी बिभीषण साठे,तालुका कार्याध्यक्षपदी तुषार केंगार, तालुका संघटकपदी म्हणून आमीर मोहोळकर,तालुका खजिनदारपदी अमोल साठे , तर तालुका सचिवपदी म्हणून रणजितदादा गायकवाड
तालुका प्रसिद्धीप्रमुख श्रीकृष्ण देशपांडे, तालुकासह कार्याध्यक्ष सदानंद बनसोडे यांच्यासह तालुका कार्यकारिणी सदस्य म्हणून सुधीर पवार,सचिन करडे,गणेश इंगळे,वैभव पवार, मिलिंद चव्हाण यांची नियुक्ती करण्यात आली त्यांचे निवडीचे पत्र नुतन तालुकाध्यक्ष आण्णा भोसले यांच्या शुभहस्ते देऊन त्यांचा फेटा बांधून सन्मान करण्यात आलेला आहे
माजी अकलूज ग्रामपंचायत सदस्य जावेद बागवान व सुरज कांबळे यांनीही या बैठकीस उपस्थिती दर्शवली.
सदर कार्यक्रमाचे अध्यक्षस्थान आण्णा भोसले यांनी भूषवले.
सुत्रसंचालन व मार्गदर्शनपर भाषण करताना माळशिरस तालुका कोअर कमिटी सदस्य शिवराम गायकवाड यांनी पत्रकारिता करताना तटस्थता आणि सचोटी कशी असावी यावर प्रकाश टाकला. त्यांनी अनेक किस्से सांगत पत्रकारिता क्षेत्रातील अनुभव आणि नैतिकता यावर उपस्थित पत्रकारांना मार्गदर्शन केले.
जेष्ठ पत्रकार आमीर मोहोळकर यांनी पत्रकार,पत्रकार यांचे जीवनप्रवास तसेच पत्रकारांना येणारे संकटे यावर मार्गदर्शन केले.
पत्रकार बच्चन साठे यांनी पत्रकारांशी संवाद साधताना पत्रकारांच्या घरगुती परिस्थितीचे दर्शन घडवले.
युवा पत्रकार अमोल साठे यांनी व्हाईस ऑफ मिडीया या संघटनेची कार्य,५८ देशात पसरलेले पत्रकारांचे जाळे,संघटनेची ध्येयधोरणे यांची मांडणी केली.
जेष्ठ पत्रकार श्रीकृष्ण देशपांडे बोलताना म्हणाले की आपापसात बरेच विघ्नसंतोषी लोकं गैरसमज पसरवतील त्यांच्या भुलथापांना बळी न पडता आपले काम सुरू ठेवून पत्रकारांची एकजुट कायम रहावी यासाठी प्रयत्न करावेत .
जेष्ठ पत्रकार सचिन करडे यांनी माळशिरस तालुक्यात पत्रकार भवन असावे अशी खंत व्यक्त केली .
युवा पत्रकार तुषार केंगार यांनी पत्रकारांच्या जीवनप्रवास यांचेवर भाष्य केले सर्व राजकारणी प्रत्येक स्वार्थासाठी एक होतात आपणही एकत्रितरित्या काम करावे अशी सादही बोलताना घातली आहे .
नवीन कार्यकारिणीतील पत्रकार बांधवांनी आपापली मते उपस्थित करून व्हाईस ऑफ मिडीया संघटनेशी कायम हातात हात घालून काम करू अशी ग्वाही दिली
आमीर मोहोळकर यांनी उपस्थित पत्रकार बांधवांचे आभार मानले
