अकलूजचे स्वयंसेवक श्री शिवाजीराव घोडके यांची विश्व हिंदू परिषदेच्या जिल्हा सहमंत्री पदी निवड.
अकलूज (प्रतिनिधी)
लहानपणापासूनच ध्येयवेडे, ध्येयवादी व्हायचं हिंदुत्व कार्यासाठी स्वतःला झोकून द्यायचं.हा निश्चय करून तो आत्मविश्वास उराशी बाळगून.छत्रपती शिवाजी महाराज व धर्मवीर संभाजी महाराज यांचा आदर्श डोळ्यापुढे ठेऊन २००९ पासून हिंदुत्वाच्या कार्यास सुरवात केली.कार्य करत असताना अनेक अडचणी आल्या परंतु त्या अडचणीवरती मात करत स्वतःला सिद्ध करत ते आज इथपर्यंत येऊन पोहोचले आहे.
विश्व हिंदू परिषदेकडून जिल्हा सहमंत्री पदी नियुक्ती
त्यांचे कार्य करण्याची पद्धत त्यांचा स्वभाव त्यांचा जनसंपर्क हे सर्व बघून या कार्याची पोचपावती म्हणून आज विश्व हिंदू परिषदेने त्यांची जिल्हा सहमंत्री या दायित्वासाठी निवड केली आहे.ही एक अतिशय महत्त्वपूर्ण व मोठी जबाबदारी असून ती आपल्यावर सोपावली आहे.त्याबद्दल विश्व हिंदू परिषदेचे त्यांनी शतशः आभार मानले.ती अतिशय जबाबदारीने व यशस्वीपणे आपण पार पाडू असे ही त्यांनी सांगितले.
आज सर्व मित्र परिवारांमधून व तसेच पाहुणेरावळ्यांमधून त्यांचे कौतुक होत आहे व तसेच शुभेच्छांसाठी फोन सुद्धा येत आहेत. तुम्हा सर्वांचे प्रेम व आशीर्वाद आहेत म्हणून मी आज इथपर्यंत पोहोचू शकलो,असेही ते म्हणाले.
