वेळापूर पोलीसांनी केली अवैध प्रतिबंधीत गुटखा वाहतूक करणारे वाहनावर कारवाई
(वेळापूर पोलीसांची मोठी कामगिरी ३०,६७,१२० रूपयाचा पकडला माल)
वेळापूर प्रतिनिधी,
दिनांक,०८/०१/२०२६ रोजी पोलीस ठाणे हददीत रात्रगस्त करणारे पो.ना.नितीन लिंगडे, पो.शि./बसवराज बिराजदार व चा.पो.ह / अविनाश मोरे यांना घुमेरा वेळापूर येथे पहाटे ०३/३० वाचे सुमारास सांगोला ते अकलुज रोडवर अशोक लेलॅन्ड कंपनीचे चारचाकी वाहन नंबर MH-42-BF-2887 या वाहनातील मालाबाबत संशय वाटल्याने वाहन चौकशी केली असता सदर वाहनात पाठीमागील हौदामध्ये बारदानीच्या पोत्यामध्ये अवैधरित्या प्रतिबंधीत गुटखा असल्याचे दिसून आल्याने वाहन ताब्यात घेवून पोलीस ठाणेस आणून श्री. मंगेश लवटे अन्न सुरक्षा अधिकारी, सोलापूर यांना कळवून त्याचे उपस्थितीत सदर वाहनातील गुटखा असलेल्या बारदानीच्या पोत्या पंचासमक्ष तपासून पाहता एकूण ६२ बारदानीच्या पोत्यामध्ये व ३ पुटटयाच्या बॉक्समध्ये विमल पानमसाला, आर.एम. डी. सुगंधित तंबाखू गुटखा असे एकूण २१,६७,१२० रूपयाचा प्रतिबंधीत गुटखा व ९,००,०००/- लाख रूपयाचा अशोक लेलॅन्ड वाहन व वाहनाचे केबिनमध्ये २०,००० रूपये किंमतीचे VIVO कंपनीचे दोन मोबाईल सह एकूण ३०,८७, १२० रूपयाचा मुददेमाल मिळून आल्याने श्री. मंगेश लवटे अन्न सुरक्षा अधिकारी सोलापूर यांनी जप्त करून ताब्यात घेतले आहे.
तसेच सदर वाहनाची तपासणी करता सदर वाहनामध्ये गुटखा असल्याचे कोणी ओळखू नये म्हणून वाहनाचे पाठीमागे फाळका शेजारी एक थर प्लॅस्टिक गोण्यामध्ये सोयाबीन भरलेले होते. सदर वाहनावर पोलीस कारवाई करीत असताना वाहनाचा चालक हा वाहन जागीच सोडून अंधाराचा फायदा घेवून पळून गेला आहे.
गुटखा प्रतिबंधीत अन्नपदार्थाचा विक्रीसाठी वाहनातून घेवून जात असल्याचे आढळून आले व अन्न सुरक्षा आयुक्त महाराष्ट्र राज्य या लोकसेवकाने त्यांना दिलेल्या अधिकारानुसार जनहित व जनआरोग्याचे दृष्टीकोनातून काढलेल्या आदेशाची अवज्ञा केल्याने मिळून आलेल्या वाहनाचे अज्ञात चालक, अज्ञात वाहनाचे मालक, अज्ञात मालाचे मालक यांचेविरूध्द श्री.मंगेश मल्हारी लवटे अन्न सुरक्षा अधिकारी सोलापूर यांनी वेळापूर पोलीस ठाणेस भारतीय न्याय संहिता कलम २२३,२७४, २७५,१२३ सह अन्न सुरक्षा आणि मानके अधिनियम कलम २६ (२) (i), (ii), (iv), २७ (३) (e), ३० (२)) (a), ५९ प्रमाणे तक्रार दाखल केली आहे.
सदरची कामगिरी मा. पोलीस अधिक्षक श्री. अतुल कुलकर्णी, मा. अपर पोलीस अधिक्षक श्री. प्रितम यावलकर, उपविभागिय पोलीस अधिकारी अकलुज उपविभाग अकलुज श्री. संतोष वाळके यांचे मार्गदर्शनाखाली वेळापूर पोलीस ठाणेचे प्रभारी अधिकारी सपोनि श्री. भाउसाहेब गोसावी व पोलीस उपनिरीक्षक आकाश शेळके, पोह/१७९८ यशवंत आनंदपुरे, पोना/२०९९ लिंगडे, पोशि/१२७८ बसवराज बिराजदार, पोशि/१३३७ पांढरे, चापोहेकॉ/१५३७ अविनाश मोरे यांनी केली आहे. गुन्हयाचा पुढील तपास सपोनि श्री भाउसाहेब गोसावी हे करीत आहेत.
