अकलूज येथे शनी जयंती उत्साहात साजरी मलिकार्जुन मंदिरात महापूजा संपन्न; विद्यार्थ्यांचा सत्कार, महाप्रसादाचा लाभ

अकलूज येथे शनी जयंती उत्साहात साजरी

मलिकार्जुन मंदिरात महापूजा संपन्न; विद्यार्थ्यांचा सत्कार, महाप्रसादाचा लाभ

अकलूज, दि. १६ मे २०२६ :

वीरशैव लिंगायत समाज अकलूज यांच्या वतीने शनी जयंतीनिमित्त श्री मलिकार्जुन मंदिर येथे धार्मिक व सामाजिक कार्यक्रमाचे आयोजन करण्यात आले होते. कार्यक्रमास समाज बांधवांची उत्स्फूर्त उपस्थिती लाभली.

कार्यक्रमाची सुरुवात श्री मलिकार्जुन स्वामी यांच्या महापूजेने झाली. ही महापूजा श्री. रविशंकर गुळवे यांच्या हस्ते वैदिक मंत्रोच्चारात संपन्न झाली. यावेळी मंदिर परिसर भक्तिमय वातावरणाने भारावून गेला होता.

यानंतर समाजातील दहावी व बारावी परीक्षेत यश संपादन केलेल्या गुणवंत विद्यार्थ्यांचा सत्कार करण्यात आला. विद्यार्थ्यांना प्रमाणपत्र व शुभेच्छा देऊन त्यांच्या पुढील शैक्षणिक वाटचालीस प्रोत्साहन देण्यात आले.

कार्यक्रमास समाजातील ज्येष्ठ नागरिक, महिला भगिनी, युवक व समाज बांधव मोठ्या संख्येने उपस्थित होते. धार्मिक कार्यक्रमानंतर समाजाच्या वतीने महाप्रसादाचे आयोजन करण्यात आले होते. उपस्थितांनी महाप्रसादाचा लाभ घेत कार्यक्रमाची सांगता करण्यात आली.

समाजामध्ये एकोपा, धार्मिक संस्कार व शैक्षणिक प्रोत्साहन निर्माण करण्याच्या उद्देशाने हा उपक्रम राबविण्यात आल्याची माहिती वीरशैव लिंगायत समाज अकलूजच्या पदाधिकाऱ्यांनी दिली.

अध्यक्ष,

वीरशैव लिंगायत समाज, अकलूज

—————————–——————–———————-

स्वराज्य हेर न्यूज

“खबर गावाची, बातमी आपल्या कामाची”

संपादक : श्री. सुधीर पवार

मो. 7721881011

पोर्टल : www.swarajyher.in⁠�

YouTube : @swarajyher