दरे (ता. सातारा) येथील एक हृदय पिळवटून टाकणारी घटना…
सातारा प्रतिनिधी:
परळी विभागातील दरे पोस्ट आरे येथील रहिवासी, भारतीय सैन्य दलातील जवान प्रमोद जाधव यांचा साताऱ्यातील भिक्षेकरी ग्रह परिसरात अपघाती मृत्यू झाला. देशसेवेसाठी सदैव सज्ज असलेला हा जवान, पत्नीची प्रसूती जवळ आल्यामुळे काही दिवसांपूर्वीच सुट्टीवर घरी आले होते.
आठ दिवसांपूर्वी आनंदाच्या अपेक्षेने आलेले प्रमोद, लेकीच्या जन्माची वाट पाहत होते … पण नियतीला काही वेगळंच मंजूर होतं. त्यांच्या जाण्यानंतर अवघ्या काही तासांतच पत्नीला कन्यारत्न प्राप्त झालं. वडील होण्याचा आनंद डोळ्यांनी पाहण्याआधीच काळाने त्याच्यावर घाला घातला, ही घटना मन हेलावून टाकणारी आहे.
विर जवान प्रमोद जाधव यांची पत्नी पसूतीनंतर अंतिम दर्शनासाठी.
मागे दुःखाचा डोंगर घेऊन पत्नी, वृद्ध वडील आणि आता जन्मलेली चिमुकली लेक असा परिवार राहिला आहे. एका सैनिकाचं आयुष्य असंच क्षणात संपून जावं, ही कल्पनाच अंगावर काटा आणणारी आहे.
देशासाठी जगलेला हा जवान आज आपल्यात नाही, पण त्याचं बलिदान आणि त्याची कहाणी कायम मनात राहील. ईश्वराने कुटुंबाला हे असह्य दुःख सहन करण्याचं बळ द्यावं, हीच प्रार्थना.
