सोलापूर प्रतिनीधी:
जिल्ह्याच्या प्रशासकीय कारभाराला नवी ऊर्जा मिळाली असून भारतीय प्रशासकीय सेवेचे (IAS) अधिकारी एस. कार्तिकेयन यांनी काल सोलापूर जिल्ह्याच्या जिल्हाधिकाऱ्यपदाचा पदभार अधिकृतपणे स्वीकारला.
राज्य शासनाच्या अलीकडील बदली आदेशानुसार त्यांची सोलापूर येथे नियुक्ती करण्यात आली आहे. पदभार स्वीकारल्यानंतर त्यांनी तात्काळ प्रशासनाचा आढावा घेत कामकाजाला सुरुवात केली.
एस. कार्तिकेयन हे अभ्यासू, कर्तव्यदक्ष आणि कार्यक्षम अधिकारी म्हणून ओळखले जातात. यापूर्वी त्यांनी विविध महत्त्वाच्या पदांवर काम करत प्रशासकीय अनुभव मिळवला आहे. विकासकामांमध्ये गती, प्रशासनातील पारदर्शकता आणि नागरिकांशी थेट संवाद साधण्यावर त्यांचा विशेष भर असतो.
नवीन जिल्हाधिकारी म्हणून त्यांनी जिल्ह्यातील प्रलंबित प्रश्न मार्गी लावणे, विकास प्रकल्पांना चालना देणे आणि सर्वसामान्य नागरिकांना जलद व परिणामकारक सेवा देणे याला प्राधान्य देणार असल्याचे संकेत दिले आहेत.
सोलापूर जिल्ह्याच्या सर्वांगीण विकासासाठी त्यांच्या नियुक्तीकडे आशेने पाहिले जात आहे.
