मौजे चाकोरे येथे गणेश जयंती उत्साहात साजरी; मारुती मंदिरात भक्तीचा जनसागर
चाकोरे (प्रतिनिधी):
माळशिरस तालुक्यातील मौजे चाकोरे येथील मारुती मंदिरात गणेश जयंती मोठ्या भक्तिभावाने आणि उत्साहात साजरी करण्यात आली. या मंदिरात मारुतीच्या मूर्तीसोबतच श्री गणेशाची मूर्तीही विराजमान असल्याने येथे गणेश जयंती साजरी करण्याची परंपरा श्रद्धेने जपली जात आहे.
या मंदिराचे वैशिष्ट्य म्हणजे येथे दर शनिवारी केवळ हनुमान चालीसाच नव्हे, तर श्री गणपती, महादेव, पांडुरंग, श्रीराम, हनुमान आणि संत बाळूमामा यांची आरती भक्तिभावाने केली जाते. गेल्या तीन वर्षांपासून या ठिकाणी ‘अखंड हनुमान चालीसा’ सेवा नित्यनेमाने सुरू आहे. या उपक्रमात गावातील तरुण मंडळी, लहान बालके आणि ज्येष्ठ नागरिक मोठ्या संख्येने उत्स्फूर्तपणे सहभागी होतात.
दर शनिवारी होणाऱ्या सामूहिक हनुमान चालीसा पठणासाठी ५० ते १०० भाविक उपस्थित असतात. मात्र, गणेश जयंतीचे औचित्य साधून चाकोरे, प्रतापनगर आणि परिसरातील शेकडो भाविकांनी दर्शनासाठी आणि उत्सवासाठी गर्दी केली होती. यामुळे संपूर्ण चाकोरे परिसर भक्तिमय वातावरणाने भारावून गेला होता…..
