उजाड माळरान म्हणुन ओळख असाणा-या माळशिरस तालुक्याचे नंदनवन मोहिते-पाटील परिवाराच्या अथक परिश्रमामुळे झाले आहे.
अकलूज(प्रतिनिधी) गणेश इंगळे.
माळशिरस तालुक्यातील अकलुज नगरपरिषदेचे नगराध्यक्ष पद अनुसुचित महिला साठी राखीव झाले आहे. मोहिते-पाटील परिवाराने सोलापुर जिल्हाचा विकास करताना नेहमीच गरीब तळागाळातील बहुजन समाजाला मुख्य प्रवाहात यावे याकरिता अग्रक्रम दिलेला आहे. मग तो राजकीय, धार्मिक, सामाजिक असो वा रोजगार किंवा व्यवसाय करण्यास दिलेल प्रोत्साहन असेल. मोहिते-पाटील परिवाराने गरीब निष्ठावंत बहुजन समाजाला नेहमीच योग्य संधी दिलेली आहे. यावेळी सुद्धा अकलुज नगरपरिषदेची नगराध्यक्षा पदाची उमेदवारी देताना मोहिते-पाटील परिवारासोबत तीन पिढ्यापासुन कायम एकनिष्ठ सौ. राणीताई संदिप खंडागळे यांना संधी मिळावी अशी नागरिकांमध्ये जोरदार चर्चा आहे.
सौ.राणीताई संदिप खंडागळे परिवाराचे पुर्वीपासुनच मोहिते-पाटील कुटुंबाशी रुनाणुबंध आहेत. त्यांचे सासरे कै.शंकर खंडागळे,पती श्री.संदिप खंडागळे यांचे कुटुंब मोहिते-पाटील कट्टर समर्थक म्हणुन ओळखले जाते. सौ. राणीताई व त्यांचे पती श्री. संदिप खंडागळे यांनी अकलुज शहारात मोहिते-पाटील परिवारासमवेत छत्रपती शिवाजी महाराज, भारतरत्न डॉ. बाबासाहेब आंबेडकर, साहित्यरत्न आण्णाभाऊ साठे, वस्ताद लहुजी साळवे, महात्मा फुले, सावित्रामाई फुले, महंमद पैंगबर, राजमाता अहिल्यादेवी, या महापुरुषांचे जयंतीनिमीत्ताने गरीब महिलांना साडी वाटप, रक्तदान शिबीर, वाचनालयास पुस्तके दान, जिलेबी खाऊ वाटप, गरिब विद्यार्थ्यांना वह्या वाटप, कोरोना काळात मास्क व सॅनिटायजर वाटप, आरोग्य तपासणी शिबीर, संविधान दिन, मुकनायक परिसंवाद कार्यक्रम, दलित पँथर सन्मानाचे आयोजन यासारखे कार्यक्रम तसेच जय मल्हार गणेशोत्सव मंडळ, राजमाता रत्नप्रभादेवी मोहिते-पाटील नवरात्र मंडळ, संत तुकराम महाराज भजनी मंडळ यांचे माध्यमातुन दरवर्षी गणेशोत्सव, नवरात्र उत्सव, तुकाराम महाराज बीजेनिमीत्त अभंग गाथा पठन सप्ताह आयोजन, आषाढी वारी दिंडी, वारक-यांचे आदरतिथ्य याबरोबरच शिखर शिंगणापुर कावड यात्रा यासारख्या अनेक कार्यक्रमातुन सौ. राणीताई संदिप खंडागळे व खंडागळे परिवार अकलुज शहारातील नागरिकांबरोबर सदैव सामाजिक बांधिलकी जपत आलेले आहे आणि जपतात.
विविध सामाजिक कार्यक्रमाच्या माध्यमातुन अकलुज शहरात त्यांचा मोठा जनसंपर्क आहे. प्रत्येक निवडणुकीत पुर्णवेळ बुथवर उपस्थित राहणे तसेच मागील २० वर्षापासुन ते प्रत्येक निवडणुकीत अकलुज शहरात होम टु होम प्रचारात नेहमीच मोहिते-पाटील परिवारासोबत अग्रेसर असतात.
अकलुज शहराच्या विकासासाठी मोहिते-पाटील परिवाराकडून नगराध्यक्षा पदाकरिता निवडणुक लढविण्याची संधी सौ. राणीताई संदिप खंडागळे यांना मिळावी म्हणुन सर्व समाज व जनतेतुन मागणी होत आहे. गरीब कटुंबातुन उदयास आलेला, तरुण युवा चेहरा सौ. राणीताई संदिप खंडागळे यांना हि संधी मिळणारच अशी अकलुज शहारात जोरदार चर्चा आहे.
