अकलूज नगर परिषद निवडणूक;नगर अध्यक्षपदासाठी 7 तर नगरसेवक पदासाठी एकूण 151 अर्ज दाखल. 

अकलूज प्रतिनिधी(रणजितदादा गायकवाड)

गेल्या तीन वर्षांपूर्वी आशिया खंडातील नंबर एक ची अकलूज ग्रामपंचायत याच रूपांतर नगरपरिषद मध्ये झाल्यापासून पहिलीच पंचवार्षिक निवडणूक असताना त्या निवडणुकीमध्ये उमेदवारांचा प्रचंड प्रतिसाद पाहायला मिळत आहे.

सोमवारी अकलूज नगरपरिषद निवडणूकीचा अर्ज दाखल करण्याचा शेवटचा दिवस होता.त्यामुळे विविध राजकीय पक्षातील उमेदवारांनी निवडणूक कार्यालयात गर्दी केली होती.शेवटच्या दिवशी भारतीय जनता पक्ष,राष्ट्रवादी काँग्रेस पक्ष (शरदचंद्र पवार) गट,राष्ट्रवादी काँग्रेस पक्ष (अजित पवार) गट,महाराष्ट्र विकास सेना पक्ष,वंचित बहुजन आघाडी.व अपक्ष उमेदवारांनी अर्ज दाखल करण्यासाठी मोठी गर्दी केली होती.त्यामुळे अर्ज स्विकारण्याची प्रक्रिया संध्याकाळ पर्यंत सुरू होती.

यामध्ये १५१ उमेदवारांनी नगरसेवक पदासाठी अर्ज दाखल केले आहेत व नगराध्यक्ष पदासाठी 7 उमेदवारांनी अर्ज भरले आहेत.

त्यामध्ये सुवर्णा साठे (महाराष्ट्र विकास सेना),उषा कांबळे (वंचित बहुजन आघाडी),पुजा कोतमीरे (भारतीय जनता पक्ष),रेश्मा आडगळे (राष्ट्रवादी काँग्रेस पक्ष शरदचंद्र पवार गट),दिव्यांनी रास्ते (राष्ट्रवादी काँग्रेस पक्ष अजित पवार गट),प्रतिभा गायकवाड (राष्ट्रवादी काँग्रेस पक्ष शरदचंद्र पवार गट),उमा गायकवाड (वंचित बहुजन आघाडी) यांनी नगराध्यक्ष पदासाठी अर्ज दाखल केले आहेत.

मंगळवारी सर्व अर्जांची छाननी होणार आहे तर दि.१९ ते २१ नोव्हेंबर उमेदवारी अर्ज माघारी घेण्याचा आहे.दि.२२ ते २५ नोव्हेंबर न्यायालयीन काही प्रकरण प्रलंबित त्यासाठी आहे.दि.२६ नोव्हेंबरला निवडणूक चिन्हांचे वाटप होणार आहे व दि.२७ नोव्हेंबर पासून प्रचाराला प्रारंभ होणार आहे.दि.२ डिसेंबरला मतदान होणार असून दि.३ डिसेंबरला मतमोजणी होवून निकाल घोषित करण्यात येणार आहे.

पहिलीच पंचवार्षिक निवडणूक असल्याकारणाने,अकलूज नगरपरिषद ही अतिशय चुरशीची व रंगतदार होणार असे जनसामान्यात बोलले जात आहे.