गणेशोत्सवानिमित्त सिद्धनाथ मल्टी कार गॅरेजमध्ये भव्य रक्तदान शिबिर; १०७ रक्तदात्यांचा उत्स्फूर्त सहभाग
अकलूज : अक्षय चौगुले.
सराटी, ता. इंदापूर येथील युवा उद्योजक श्री. अभिजीत कोकाटे यांच्या अकलूज येथील सिद्धनाथ मल्टी कार गॅरेजच्या वतीने गणेशोत्सवानिमित्त भव्य रक्तदान शिबिराचे आयोजन करण्यात आले होते. सामाजिक बांधिलकी जपत आयोजित करण्यात आलेल्या या उपक्रमाला रक्तदाते व नागरिकांचा उत्स्फूर्त प्रतिसाद मिळाला. या शिबिरात तब्बल १०७ रक्तदात्यांनी रक्तदान करून सामाजिक योगदान दिले.
कार गॅरेजसारख्या व्यावसायिक ठिकाणी रक्तदान शिबिराचे आयोजन करून ‘व्यवसायासोबत समाजसेवाही’ हा सकारात्मक संदेश अभिजीत कोकाटे यांनी दिला. त्यांच्या या अभिनव संकल्पनेचे उपस्थितांनी कौतुक केले.
या उपक्रमाच्या यशस्वी आयोजनासाठी विश्वजीत गायकवाड, गणेश इंगळे, हरिभाऊ काळे, अरबाज सय्यद, अवी कोकाटे, अभिषेक खाडे आणि कृष्णा जाधव यांनी मोलाचे योगदान दिले.
रक्तदान करणाऱ्या प्रत्येक रक्तदात्याचा कोकाटे परिवाराच्या वतीने योग्य सन्मान करण्यात आला. तसेच सर्व रक्तदात्यांना आयुष्मान भारत कार्ड काढून देण्याची सुविधा उपलब्ध करून देण्यात आली.
या रक्तदान शिबिरास बागेचीवाडी गावचे सरपंच कृष्णराजभैया माने पाटील, भैय्यासाहेब कोकाटे, प्रशांत उबाळे (क्राईम ब्रँच, मुंबई), डॉ. विकास शिंदे, डॉ. बाबासो शिंदे, डॉ. सिद, डॉ. फोमणे,ऍड. ढुकेसर, रणजितदादा गायकवाड, सुरेश कोकाटे, शंकर कोकाटे, आसिफ सय्यद यांच्यासह मित्रपरिवार व नागरिकांनी उपस्थित राहून सहकार्य केले.
गणेशोत्सवाच्या निमित्ताने रक्तदानातून जीवनदानाचा संदेश देत अभिजीत कोकाटे आणि त्यांच्या सहकाऱ्यांनी सामाजिक बांधिलकीचा सकारात्मक आदर्श निर्माण केला. १०७ रक्तदात्यांचा उत्स्फूर्त सहभाग या उपक्रमाचे विशेष यश ठरले.
