सीसीएमपी पास होमियोपॅथिक डॉक्टरांची एमएमसीत नोंदणी करणार …मा.राजेशजी पांडे
स्वराज्यहेर (प्रतिनिधी)-रणजितदादा गायकवाड.
सीसीएमपी होमियोपॅथिक डॉक्टर्स असोसिएशन, महाराष्ट्र राज्य व डेक्कन हर्डीकर हॉस्पिटल, पुणे यांच्या संयुक्त विद्यमाने मेगाहोमोयोकॉन 2025 चे आयोजन होमियोपॅथीचा प्रचार व प्रसार व्हावा यासाठी करण्यात आले होते.मेगाहोमोयोकॉन 2025 चे उद्घाटन डॉ.राजेशजी पांडे (प्रदेश सरचिटणीस भाजपा, महाराष्ट्र) यांच्या हस्ते व होमियोपॅथीचे नेते डॉ.अरुण भस्मे यांच्या अध्यक्षतेखाली करण्यात आले.
यावेळी उद्घाटनपर भाषणात मा.राजेशजी पांडे यांनी होमियोपॅथिक डॉक्टरांनी संशोधनावर भर देण्याची गरज असल्याचे सांगितले. होमियोपॅथीमुळे अनेक असाध्य रोगांवर मात करता येते.उपचार पद्धती ही स्वस्त , सुरक्षित आणि प्रभावी असून मी सुद्धा जळगावचे डॉ.जसवंत पाटील यांच्या सल्ल्यानुसार होमियोपॅथिक औषधे घेत असल्याचे सांगितले.
होमियोपॅथिक डॉक्टरांच्या प्रलंभित मागण्यासाठी मुख्यमंत्री मा.देवेंद्रजी फडणवीस,उपमुख्यमंत्री मा.एकनाथजी शिंदे,मा.अजितदादा पवार यांच्या समवेत बैठक आयोजित करून पाठपुरावा करतो असे सांगितले.
प्रास्ताविकात सीसीएमपी होमियोपॅथिक डॉक्टर्स असोसिएशनचे प्रदेशाध्यक्ष डॉ.बाळकृष्ण गायकवाड यांनी होमियोपॅथीक वैद्यकीय व्यावसायिक ताठ मानेने जगला पाहिजे,होमियोपॅथि ही लोकाश्रयावर टिकून असून राजाश्रयासाठी भाजपा प्रदेश सरचिटणीस मा.राजेशजी पांडे यांनी पुढाकार घ्यावा असे सांगितले.सीसीएमपी संघटनेच्या कामाचा विस्तार करण्यासाठी तालुका स्तरावर काम सुरू आहे.होमियोपॅथीच्या विकासासाठी पूर्वीच्या काळात काम केलेल्या लोकांच्या स्मृती जतन करण्यासाठी होमियोपॅथीचे नेते डॉ.अरुण भस्मे सर यांच्या कल्पनेतून यावर्षीपासून जेष्ठ डॉक्टर्स यांच्या नावाने जीवन गौरव पुरस्कार देण्यात येणार आहेत.
कार्यक्रमाचे अध्यक्ष डॉ.अरुण भस्मे यांनी सीसीएमपी कोर्स विद्यापीठात सुरू करण्यासाठी वैद्यकीय विकास मंचाचे प्रभारी राजेशजी पांडे यांनी मोलाचे योगदान दिले असून आता एमएमसी मध्ये नोंदणी करण्यासाठी पुढाकार घ्यावा असे सांगितले. संघटनेने होमियोपॅथि शास्त्राच्या विकासासाठी कार्य केलेल्या महान व्यक्तीच्या नावे पुरस्कार देण्याच्या उपक्रमाचे कौतुक केले.
एमसीएचचे प्रशासक डॉ.बाहुबली शाह यांनी सीसीएमपी पास झालेल्या डॉक्टरांना एमएमसी नोंदणी प्रमाणपत्र देण्यासाठी राजेशजी पांडे यांनी पुढाकार घ्यावा असे सांगत होमियोपॅथिचा प्रचार व प्रचार करण्यासाठी सीसीएमपी होमियोपॅथिक डॉक्टर्स असोसिशनच्या उपक्रमाचे कौतुक केले.
एमसीएचचे मा.प्रशासक डॉ.सोमनाथ गोसावी यांनी होमियोपॅथिक सीसीएमपी पास डॉक्टरांच्या एमएमसी नोंदणी साठी महाराष्ट्रातील सर्व होमियोपॅथिक डॉक्टरांनी एकत्र येण्याची गरज असल्याचे सांगितले.
यावेळी पुण्याचे जेष्ठ होमियोपॅथिक तज्ञ डॉ.संजीव डोळे यांनी संधिवातावर होमियोपॅथिक उपचार,बारामतीचे एच एच एफ वक्ते डॉ.ज्ञानेश्वर पवार यांनी त्वचा विकारावर होमियोपॅथिक उपचार ,लहानमुलांच्या आजारावर होमिओपॅथिक उपचार पुण्याच्या बालरोग होमियोपॅथि तज्ञ डॉ.रुची शिरूडकर तर डेक्कन हर्डीकर हॉस्पिटल पुणेचे प्रसिद्ध सांधेरोपण तज्ञ डॉ.सचिन नागपूरकर यांनी हाडांच्या समस्येवर होमियोपॅथिक उपचार प्रभावी ठरतात असे सांगितले.
सीसीएमपी होमियोपॅथिक डॉक्टर्स असोसिएशनच्या वतीने दिले जाणारे 2025 चे पुरस्कार पुढीलप्रमाणे डॉ.रंगनाथ गोपाळ कवीश्वर जीवन गौरव पुरस्कार जगातील पहिले होमियोपॅथि पीएचडी धारक डॉ.हरी घोलप, डॉ.रामकृष्ण महादेव चिंचोळकर जीवन गौरव पुरस्कार वाशीचे नवी मुंबई आदित्य नर्सिंग कॉलेजचे अध्यक्ष डॉ.प्रतिक तांबे, डॉ.डी.व्ही.निकम जीवन गौरव पुरस्कार पुण्याचे प्रसिद्ध होमियोपॅथिक तज्ञ डॉ.संजीव डोळे, डॉ.एल.आर.भोसले जीवन गौरव पुरस्कार एमसीएचचे मा.अध्यक्ष डॉ.अजित फुंदे पाटील अहिल्यानगर,डॉ.वामनराव बापूजी डहाणे जीवन गौरव पुरस्कार जेष्ठ होमियोपॅथिक तज्ञ डॉ.शंकर कटेकरी, डॉ.मिलिंद राव जीवन गौरव पुरस्कार बारामतीचे डॉ.ज्ञानेश्वर पवार तर डॉ.प्रफुल्ल विजयकर जीवन गौरव पुरस्कार पुण्याच्या डॉ.रुची शिरूडकर यांना मान्यवरांचे हस्ते प्रदान करण्यात आले.
डॉ.सॅम्युअल हनेमान जीवन गौरव पुरस्कार डॉ.राजेश सातपुते (कोल्हापूर), डॉ.दीपक मोटे (नांदेड), डॉ.जयदीप चव्हाण (सातारा), डॉ.योगेश जोग (रत्नागिरी), डॉ.योगेश ढेंबरे (जालना), डॉ.अनिल भांडवलकर (पुणे), डॉ.सौ.अपेक्षा महाबळेश्वर (सांगली), डॉ.देविदास चव्हाण (गंगाखेड,परभणी),डॉ.मुकेश तांदळे (छत्रपती संभाजीनगर) व डॉ.आदित्य अहिरे (डहाणू,पालघर) यांना मान्यवरांचे शुभ हस्ते वितरण करण्यात आले.
यावेळी डेक्कन हर्डीकर मल्टीस्पेशालिटी हॉस्पिटलचे संचालक डॉ.प्रचित दापकेकर, एनसीपी डॉक्टर्स सेलचे शरद पवार गटाचे प्रदेशाध्यक्ष डॉ.सुनील जगताप,सीसीएमपी होमियोपॅथिक डॉक्टर्स असोसिएशनचे संघटनेचे प्रदेश सचिव डॉ.अजय तायडे,उपाध्यक्ष डॉ.अमित भस्मे,सदस्य डॉ.सतीश आवळे, डॉ.नागनाथ दगडे, डॉ.नितीन कुबेर, डॉ.अनिल बळते,आयोजन समितीचे अध्यक्ष डॉ.दयानंद पवार,उपाध्यक्ष डॉ.फैझ सय्यद,खजिनदार डॉ.अपर्णा तायडे पाटील,सदस्य डॉ.ओम पाटील, डॉ.मयूरेश देशपांडे,एनसीपी डॉक्टर्स सेलचे अजित पवार गटाचे प्रदेश उपाध्यक्ष डॉ.हेमंत ठुसे, डॉ.संतोष पवार, डॉ नितीन राठोड,डॉ.राजेश बर्डे,डॉ.अभय मुथा,डॉ.शशिकांत कदम ,वर्षुकेत बिरादार इ.उपस्थित होते.
कार्यक्रमाचे सूत्रसंचलन डॉ.मधू राव, डॉ.नवाज हडफा, डॉ.अल्फिया शेख यांनी केले तर आभार सीसीएमपी होमियोपॅथिक डॉक्टर्स असोसिएशनचे सचिव डॉ.अजय तायडे पाटील यांनी मानले.
